Kort í tækjasal

Þægilegt andrúmsloft er í tækjasal Heilsuklasans. Engin tónlist eða annar hávaði er í salnum og því geta allir stundað eigin líkamsrækt í rólegheitum. Tækjasalurinn er rúmgóður og bjartur og býður upp á fjölbreyttar æfingar þar sem til staðar eru ýmis tæki, lóð, stangir, pallar, rimlar og dýnur. Einnig er notalegur teygjusalur þar sem hægt er að gera léttari æfingar eða slaka á og teygja eftir æfingu.

Allir sem hafa aðgang að tækjasal Heilsuklasans geta nýtt sér þá þjónustu sem honum fylgir. Á auglýstum tímum er þjálfari í tækjasal sem getur aðstoðað þá sem þurfa og veitt ráðleggingar. Einnig er í boði að þjálfarinn aðstoði við mælingu á líkamsgreiningartæki til þess að fá upplýsingar um vöðvamassa, fitumassa, innri kviðfitu, vökvamagn líkamans, grunnbrennslu o.fl. Þjálfari í tækjasal er á eftirfarandi tímum:

• Mánudögum kl. 11:00-12:00 (Anna Margrét)
• Þriðjudögum kl. 9:00-10:00 (Björk)
• Þriðjudögum kl. 17:30-18:30 (Einar)

Inn af búningsklefum er hægt að fara bæði í heitan pott og sauna. Umhverfið er sérstaklega notalegt og um að gera að slaka þar á eftir góða æfingu.

*Uppsagnarfrestur er einn mánuður