Langar þig að stunda líkamsrækt en hræðist hefðbundna hreyfingu sökum verkja sem hún veldur? Hefur þú þurft að hætta að stunda reglulega líkamsrækt vegna óþæginda eða eymsla í stoðkerfi? Þá gæti þjálfun í vatni hentað þér!

Þjálfun í vatni hefur sömu líkamlegu áhrif og æfingar á landi. Styrkur, þol, jafnvægi og liðleiki eru allt þættir sem þjálfun í vatni hefur jákvæð áhrif á. Vatnið dregur úr áhrifum þyngdaraflsins og því koma mun minni högg á liðamót í ökklum, hnjám, mjöðmum og baki. Auk þess dregur vatnið úr áhrifum stirðleika, sem auðveldar ýmsar hreyfingar.

Kvöldtímar Heilsuklasans í Þjálfun í vatni fara fram í Mörkinni, þar sem gengið er inn um inngang að Suðurlandsbraut 64. Morguntímarnir fara fram í húsnæði Sjálfsbjargar að Hátúni 12. Innifalið í verðinu eru tveir tímar í viku í lokuðum hópi, auk korts í tækjasal Heilsuklasans. Tímarnir fara fram á eftirfarandi tímasetningum:

• Mán&mið kl 18:10-18:50 – erfiðleikastig 2 (Hjördís)
• Mán&mið kl 18:50-19:30 – erfiðleikastig 3 (Hjördís)
• Mán&mið kl 19:30-20:10 – erfiðleikastig 4 (Sissa)
• Þri&fös kl 8:30-9:10 – erfiðleikastig 3 (Sissa og Sara)
• Þri&fös kl 9:10-9:50 – erfiðleikastig 2 (Sissa og Sara)
• Þri&fim kl 9:50-10:30 – erfiðleikastig 1 (Sissa og Sara)