Að koma sér aftur af stað í líkamsrækt eftir vikur, mánuði, ár eða jafnvel áratuga pásu er ekki auðvelt. Fyrsta skrefið er erfiðast og eðlilega þurfa margir aðstoð við að koma sér af stað. Fagleg aðstoð skiptir öllu máli til að aðstoða þig við að ná þeim markmiðum sem þú sækist eftir.
Grunnnámskeið Heilsuklasans stendur yfir í fjórar vikur og eru æfingar þrisvar sinnum í viku í 50 mínútur í senn. Æfingar eru mánudaga, miðvikudaga og föstudaga undir handleiðslu íþróttafræðings. Kennsla er á réttri líkamsbeytingu og passað upp á að allar æfingar séu rétt framkvæmdar. Álagi er stýrt út frá líkamlegri getu hvers og eins þannig að allir fái hæfilega krefjandi þjálfun.
Allir á grunnnámskeiðinu fá einnig tveggja daga æfingaáætlun í tækjasal Heilsuklasans. Kort í tækjasal er innifalið í verðinu og því er hægt að mæta í ræktina þá daga sem ekki eru æfingar með hópnum og fylgja æfingaáætluninni.
Mikið er lagt upp úr því að gera iðkendur sjálfstæða í hreyfingu. Upplagt framhald að loknu grunnnámskeiði Heilsuklasans er Klúbburinn.
Verð fyrir námskeiðið, sem stendur yfir í fjórar vikur, er 21.900 kr.
Hægt er að skrá sig í móttöku Heilsuklasans eða með tölvupósti á netfangið mottaka@klasinn.is.