Meðgöngu- og mömmu þjálfun – Heilsuklasinn

Meðgöngu- og mömmu þjálfun

Fátt reynir eins mikið á mannslíkamann og það að ganga með og fæða barn. Vönduð og sérhæfð þjálfun á meðgöngu hjálpar bæði til við fæðingu og flýtir fyrir bata eftir fæðingu. Einnig hjálpa álíka æfingar eftir fæðingu til við að koma líkamanum aftur í átt að fyrri heilsu. Námskeiðið hentar því bæði óléttum konum, sem og nýbökuðum mæðrum sem geta tekið krílin með sér í tíma.

Það sem aðgreinir Meðgöngu- og mömmu þjálfun Heilsuklasans frá öðrum námskeiðum er eftirfarandi:

  • Sérstök áhersla á að byggja upp og viðhalda grunnstyrk líkamans.
  • Mikið lagt upp úr réttri líkamsbeitingu til að lágmarka verki og álag á líkamann.
  • Unnið markvisst að styrkingu grindarbotnsvöðva og djúpþvervöðvum kviðs.
  • Notast við sérstaka öndunartækni við að virkja og slaka á grindarbotns- og djúpþvervöðvum kviðs.

Þjálfari námskeiðsins er Elín Huld, sem er bæði íþróttafræðingur og sérstakur meðgöngu- og mömmu þjálfari (Pre- and Postnatal Specialist).

Næsta námskeið hefst þriðjudaginn 30. ágúst kl 12:00. Námskeiðið stendur yfir í 4 vikur og verður kennt á þriðjudögum og fimmtudögum kl 12:00-12:50. Innifalið í námskeiðsverði er fullur aðgangur að tækjasal Heilsuklasans og æfingaáætlun með tveimur ólíkum æfingadögum, þar sem annan æfingadaginn er hægt að æfa í Heilsuklasanum en hinn daginn heima hjá sér. Verð á námskeiðið eru 14.900 kr.

Hægt er að skrá sig í móttöku Heilsuklasans eða með tölvupósti á netfangið mottaka@klasinn.is.